Innovasjonsdagen 2024

22. september 2023

Elin Hauge, Simen Staalnacke, Tore Hillestad hadde med seg eit lass erfaring og gode lærdommar, og her kjem nokre av dei vi tek med oss vidare frå Innovasjonsdagen Sogn 2024

Omstilling krever medvitanheit

Kultur er avgjerande for å lukkast, både i næringslivet og i offentlege organisasjonar. Det var bodskapen frå Tore Hillestad som understreka korleis sterke organisasjonskulturar kan vere både ein ressurs og ei utfordring.

Sterke kulturar blir over tid ofte ubevisste. Det kan vere ei styrke, men og eit hinder viss dei kjem i utakt med marknaden, samfunnet, teknologiutviklinga og berekraftskrava. For å skape framtidas velferdssamfunn må vi forstå korleis kultur påverkar læring, omstilling og innovasjon. Å bli medviten om eigen bedriftskultur, og korleis han påverkar endringsprosessar, kan vere nøkkelen til suksess.

Som Tore sa i sitt innlegg: Kultur handlar ikkje berre om trivsel og identitet, men om evna til å utvikle seg i takt med omgjevnadene.

KI er den nye kvardagen

Elin Hauge syntest det var spennande å snakke med folk i Sogndal om kunstig intelligens og fekk mange gode spørsmål frå publikum. Sidan lanseringa av ChatGPT har kvardagen hennar vore travel. Rolla hennar handlar i stor grad om å hjelpe leiarar med å forstå kva AI-verktøykassa eigentleg inneber, og interessa for teknologiutviklinga har eksplodert dei siste åra. Ho fortalde at ho sjølv brukar generativ AI til enkle oppgåver, sist i går då ho fekk ei oppsummering av eit tema ho lurte på. Ho nytta då Copilot for enkle spørsmål og oversetting – noko ho meiner mange kjem til å bruke AI til i framtida.

På spørsmål om korleis ho trur folk vil bruke generativ AI om eitt til tre år, svarte ho at ho ser for seg at det blir ein meir naturleg del av kvardagen vår. AI kjem til å gli inn i verktøya og tenestene vi allereie brukar, som nettbanken, Spotify og forsikringstenester. Der vi før brukte Google-søk, vil vi i større grad nytte AI for å finne informasjon. I tillegg vil fleire bruke AI som eit støtteverktøy for å skrive og redigere tekstar, slik at det blir enklare å formulere seg raskt og presist.

Nokre gonger treng ein berre eit lite spark bak for å setje i gang

Simen Staalnacke syntest det var fantastisk å få dele si reise med Moods of Norway på Innovasjonsdagen i Sogndal. Han understreka kor viktig det er å samle seg og lære av kvarandre sine erfaringar, heller enn å alltid prøve å finne opp hjulet på nytt. Han elskar slike møteplassar der studentar, gründerar og næringsliv kjem saman for å dele kunnskap og inspirasjon. Han håpar at publikum tek med seg ein porsjon ureddheit, at dei tør å prøve noko nytt og skape noko utan å overtenkje det. Å fortelje gode historier og formidle det ein brenn for, kan vere avgjerande for å lukkast. Nokre gonger treng ein berre eit lite spark bak for å setje i gang – ein må berre køyre på.

Foredragsholdere

Tore Hillestad
Direktør NHH, Samfunnsvitar, Økonom og Forskar

Tore Hillestad er ein sentral fagperson innan organisasjonskultur og leiarskap, og han leiar NHH Executive samt fleire av NHH sine leiarskapsprogram. Han har eit fagleg djuptdykk i korleis organisasjonskultur påverkar endring og innovasjon, og kva leiarar og nøkkelpersonar kan gjere for å forme kulturen i verksemder. For at innovasjon og utvikling skal lukkast, er det ikkje nok med nye idéar og teknologi – ein må også forstå rolla kultur spelar i omstilling. Korleis kan kultur gjere det lettare eller vanskelegare å tilpasse seg nye krav og forventningar? Korleis kan leiarar skape ein kultur som støttar innovasjon og læring? Og korleis kan kultur brukast til å få eit konkurransefortrinn?

Elin Hauge
Ekspert på kunstig intelligens og forretningsutvikling

Elin Hauge omtalar seg sjølv som ein tolk mellom teknologi og verdi for forretning, samfunn og menneske. Med over 20 års erfaring frå bruk av data til forretningsmessig verdiskaping, har ho arbeidd med både store og små selskap. Ho er sivilingeniør i biofysikk frå NTNU og har ein mastergrad i anvend matematikk. Nyleg har ho òg starta på juridiske studiar. I tillegg har ho fleire styreleiarverv i norske teknologiselskap og er ein ettertrakta ekspert på kunstig intelligens og teknologiutvikling.

Simen Staalnacke
Gründer av Moods of Norway

Simen Staalnacke er ein av gründerane bak Moods of Norway og ein kreativ entreprenør med lang erfaring innan merkevarebygging og design. Gjennom sitt arbeid har han vist korleis ein kan kombinere kreativitet, kultur og forretning for å skape sterke merkevarer med internasjonal suksess. Med Moods of Norway bygde han opp eit av Noregs mest ikoniske klesmerke, kjend for sin unike kombinasjon av humor, norsk kultur og moderne design.

Simen brenn for innovasjon, merkevarebygging og historieforteljing. Han meiner at ein må tørre å satse, vere uredd og skape noko nytt – og at gode historier spelar ei avgjerande rolle i suksessen til ei bedrift. I dag jobbar han med fleire ulike prosjekt innan kreativ næring, design og entreprenørskap, og han deler gjerne sine erfaringar med nye gründerar som ønskjer å gjere sine idéar til røyndom.

Håvard Halvorsen
Gründer

Håvard Halvorsen er ein lokal gründer frå Sogn, kjend for sitt arbeid innan mobil robotikk. Han er dagleg leiar i nLink, eit selskap som utviklar mobile robotar for ulike industrielle bruksområde. Under Innovasjonsdagen Sogn 2024 delte han sine erfaringar og innsikter om teknologi og entreprenørskap, og bidrog til å inspirere deltakarane med sine perspektiv på innovasjon og utvikling i regionen.

Knut Olav Ekeberg
Gründer og bonde

Knut Olav Ekeberg er bærbonde i Fresvik, gründer og innovatør med ein sterk lidenskap for å utvikle smarte løysingar for landbruket. Han står bak Sprøyte Journal, ein app som gjer kvardagen enklare og tryggare for bønder ved å samle viktig informasjon om tryggleik, dosering og journalføring på éin stad.

Ideen til appen oppstod då han sjølv opplevde kor tungvint det kunne vere å handtere sprøytemiddel i åkeren utan rask tilgang til viktig dokumentasjon. Med sin bakgrunn innan webdesign utvikla han ei digital løysing som kombinerer tryggleiksdatablad, vêrmeldingar og førstehjelpsinformasjon – alt for å effektivisere og trygge sprøyteprosessen i landbruket.

Amalie, Sunniva og Erik Andre - Dreng
Gründere

Amalie, Sunniva og Erik André står bak Dreng, ein app som gjer det enklare for bønder å finne avløysarar og for avløysarar å finne arbeid på gardar. Med Dreng kan gardbrukarar enkelt skaffe kvalifisert hjelp, medan avløysarar får ein effektiv måte å finne oppdrag på. Målet er å styrke landbruket ved å gjere arbeidsformidling meir tilgjengeleg og fleksibel for begge partar.